.
هجص بلدي

اشتغلونا في السيما يا بيه وإحنا غلابة مانعرفش حاجة يا بيه!

كتب: أحمد حسين

ده كوكتيل لطيف من مجموعة من الهجايص اللي ثبت علميًا إنها غلط وإحنا كنّا غلابة وبنصدقها إكمنها اتقالت في فيلم سينما، وبنعتبر اللي يقولنا غير كده هادم للثوابت 😀

 

1- الأسطورة: الكلوروفورم ممكن يخدّر الشخص بسرعة ولمدة ساعات.
    الحقيقة: الكلوروفورم ممكن يستغرق 5 دقائق على ما يخلّي الشخص يغيب عن الوعي، وكما تأثيره قصير الأمد.

شغل سيما

 

2- الأسطورة: حزام الكويكبات مزدحم والسفن الفضائية بتمشي تتخبّط فيه.
    الحقيقة: في كيلومترات من الفراغ في حزام الكويكبات ده مفيش فيها حاجة.

شغل سيما

 

3- الأسطورة: ممكن رامبو يفك القنبلة بسنانه عادي جدًا.
    الحقيقة: رامبو هيكون من غير سنان لو حاول يعمل كده فعلًا وبرضه مش هيفك القنبلة.

شغل سيما

 

4- الأسطورة: نيو (ماتريكس) ممكن يضرب اتنين بمسدسين في وقت واحد.
    الحقيقة: التركيز على هدفين تضربهم بمسدسين في وقت واحد صعب جدًا. آسفين يا نيو.

شغل سيما

 

5- الأسطورة: ضحايا الغرق بيفضلوا يزعقوا قبل ما تيجي مسؤولة الإنقاذ الحسناء لإنقاذهم.
    الحقيقة: ضحايا الغرق مابيكونش ليهم صوت غالبًا لأنهم بيكونوا غير قادرين على الكلام وصعب تلاحظهم.

شغل سيما

 

6- الأسطورة: الطب الشرعي ممكن يجاوب على كل الاسئلة ويحل الجريمة.
    الحقيقة: الطب الشرعي ممكن بس يساعد في جمع الأدلة مش أكتر.

شغل سيما

 

7- الأسطورة: كاتم الصوت بيخلي المسدس مالوش صوت خالص والقتل سايلنت.
    الحقيقة: كاتم الصوت بيقلل الصوت بس مش أكتر، لكن الطلقة هيفضل ليها صوت.

شغل سيما

 

8- الأسطورة: ممكن تفتح القفل بالمسدس اللي معاك عادي.
    الحقيقة: القفل الحديدي ده صعب جدًا يتفتح بطلقة صغيرة زي دي.

شغل سيما

 

9- الأسطورة: اشغله شوية لحد ما نتعقب المكالمة في دقائق.
    الحقيقة: تعقّب المكالمات ممكن ياخد ساعات مش دقائق.  (الكلام ده ينطبق على التليفونات الأرضية/المنزلية، الموبايلات بيتم تعقبها 24 ساعة أساسًا)

شغل سيما

 

10- الأسطورة: الناس اللي بيعملوا Skydiving ممكن يعملوا حوار سريع في الهواء.
      الحقيقة: الرياح اللي بيعدوا بيها بتخليهم مايسمعوش أي حاجة حواليهم.

شغل سيما

 

11- الأسطورة: جهاز مزيل الرجفان (الصدمة الكهربائية) ممكن تخلي القلب اللي توقف نبضه ينبض تاني.
      الحقيقة: لما بيتوقف نبض القلب الشخص بيموت والجهاز مابيقدرش يعيد النبض للقلب المتوقف أبدًا.

شغل سيما


المصدر: brightside

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى