8 صور للأرض تبين قد إيه الدنيا صغيرة!
كتب: أحمد حسين
في كتابه ”كوكب الأرض.. نقطة زرقاء باهتة“ كتب كارل ساجان:
”من نقطة النظر هذه قد لا تبدو الأرض ذات أهمية خاصة. لكن بالنسبة لنا، الأمر مختلف. انظر للنقطة مرة أخرى. إنها هنا! إنها الوطن! إنها نحن! عليها كل من تحب، كل من تعرف، وكل من سمعت عنه. كل كائن وُجِدَ طوال التاريخ عاش حياته هناك. محصلة كل الأفراح والأحزان. ألوف الأديان والنظريات ومذاهب الحياة. كل صياد وقاتل. كل بطل وجبان. كل خالق وهادم لحضارة. كل ملك وفلاح. كل شابين عاشقين. كل أم وأب. طفل ذي أمل. مخترع ومكتشف. كل ناشر لخُلقٍ حميد. كل سياسي فاسد. كل نجم سينمائي. كل قائد عظيم. كل قديس وآثم في تاريخ وجود كائننا البشري. كل هؤلاء عاشوا هناك. على ذرة من غبار، عالقة في شعاع شمسي“.
قد يكون ده أعظم وصف قرأته لحد دلوقتي عن الأرض، الكوكب اللي ملايين البشر عايشين فيه ولكل واحد فيهم حكاية وقصة مختلفة تمامًا عن التاني. الكوكب العظيم ده من وجهة نظرنا هو نقطة غبار زرقاء من وجهة نظر الكون. لذلك صوّرت ناسا مجموعة من الصور تبيّن قد إيه الأرض العظيمة دي شيء صغير جدًا:
– في 2013 صوّرت سفينة الفضاء ”كاسيني“ صورة للأرض من على بُعد 898 مليون ميل، يعني حوالي 1445 مليون متر!
– في الصورة دي، شكل افتراضي لأمريكا الشمالية بجانب البقعة الحمراء الكبرى لكوكب المشترى.
– طبعًا شكل حلقات زُحل جميلة، بس أظن إنها تليق أكتر على زُحل من الأرض.
– حلقات زُحل دي لوحدها في الأساس بتساوي عدد 6 كواكب أرض جنب بعض.
– أعلى جبل بركاني في النظام الشمسي هو بركان ”أوليمبوس مونس“ على كوكب المريخ. لو كان الكوكب ده على الأض كان غطّى ولاية أريزونا كلها (حوالي 295 ألف كيلومتر مُربع).
– قمر المشترى “LO” عليه أكتر من 400 بركان، وأمريكا الشمالية كلها فيها 100 بس. ده غير إن حجمه تقريبًا تلات أرباع حجم أمريكا الشمالية كلها.
– قمر المشترى ”أوروبا“ أصغر من الأرض بأربع مرات تقريبًا، لكن المياه اللي عليه أكبر من المياه اللي على الأرض كلها.
– حجم الشمس كبير جدًا لدرجة إنها تقدر تحتوي على 1.3 مليون أرض!
المصدر: businessinsider
