فرس النبي: عيونه 3D رباني
كتبت- مها طه
غالبًا شفت فيلم Avatar؟طيب، تخيل لو تقدر تشوف الدنيا كلها ثلاثية الأبعاد 3D تماما كحشرة فرس النبي، اللي عمل مجموعة من العلماء بحث عليها، واكتشفوا إن رؤيتها للأشياء بتبقى 3D!!
“جينى ريد”،أستاذة علوم الرؤية فى جامعة نيوكاسل فى المملكة المتحدة، قالت إنه بالرغم من إن الحشرة دىمخها بسيط وغير متطور،إلا إن قدراتها البصريةرهيبة،وده بيخليها مرعبةجدًا عند اصطياد فرائسها.
عشان يقدروا يتأكدوا فعلًأ من قدرة الحشرة دى على الرؤية ثلاثية الأبعاد فى اصطياد فرائسها، كان لازم الباحثين يلاقوا طريقة يظهروا بيها شكل الصور سواء الـ2D أو 3D الموجوده فى دماغ الحشرة، وعشان كده اخترعوا أفلام 3D للحشرة دى، طبعًأ ده كان تفكير غلط، فقرروا إنهم يعملوا نظارات 3D زى اللى إحنا بنلبسها لما نيجى نشوف الأفلام الـ3D ،لكن ده كمان منفعش لأن فرس النبى كان قريب أوى من الشاشة، بالإضافة لإن العدسات المُستخدمة كانت حمراء وزرقاء لأن فرس النبى مش بيشوف اللون الأحمر كويس.
عشان كده اخترعوا نظارات تانية مخصوصة لفرس النبى بحجم يناسبه، وعدساتها باللون الأخضر اللى بيقدر فرس النبى يميزه بوضوح، ولزقوا النظارات دى على دماغها باستخدام شمع العسل، بعدها العلماء شغلوا فيلم لفرس النبى، الفيلم فيه أقراص بتتحرك بشكل حلزوني، وكأنها فرائس من الحشرات اللى ممكن يصطادها فرس النبى، وعرضوا نفس الفيلم بنسختين2D و3D.
العلماء لقوا إن فرس النبى هجم على الشاشة فى نسخة الفيلم الـ3D أكتر من الـ2D، وهنا إستنتجوا إن فرس النبي بيشوف الأشكال مجسمة أو ثلاثية الأبعاد عن طريق إنه بيجمع الطيف المنعكس من الأجسام دي فى كل عين، ويكون صورة بشكل الـ3D، ويتحرك على أساسها.
قبل الدراسة دى ماكنش فى حد بيقدر يعرف هل الرؤية اللى بتشوفها الحشرات دي ثنائية ولا ثلاثية الأبعاد؟ وده لأنهم مكنوش قادرين يدرسوا المحفزات اللى ممكن تخليهم يعرفوا شكل الرؤية دى، التقنية دى هتفتح باب واسع جدًا لأبحاث كتير ممكن تتعمل فى المجال ده، ويتم تطبيقها على حشرات تانية.
المصدر
