احمرار العينين: بيبي في البيسين يا سعيد!
كتبت: مها طه
لما تقضي وقت طويل فى حمام السباحة، عينيك بيبقى لونها أحمر، أغلبنا كان فاكر إن السبب هو الكلور الموجود فى مية حمام السباحة، لكن الحقيقة إن السبب في احمرار العين هو البول اللى بيكون موجود فى حمام السباحة طبقًا لدراسة أّجريت فى ”مراكز السيطرة على الأمراض و الوقاية منها“ في أمريكا.
لازم برضه هنا نوضح إن البول في الأصل مش مُضر للجسم، لكن قدرة الكلور على الإتحاد بمادة تانية كالبول بينتُج عنه مواد كيميائية تسبب حساسية وتهيُج فى العين وإحمرارها. الإحمرار مش بس ممكن يحصل فى العين لكن كمان الجلد ممكن يتهيج كنتيجة للتفاعل ده، حمامات السباحه العامة لو زادت فيها نسب الكلور، فده بيزود من احتمالات إحمرار العين. كمية الكلور المسموح بيها عالميًا 0.5 مجم لكل لتر من الماء، معظم حمامات السباحة فى العالم بيتم تنظيم نسب الكلور فيها تلقائيًا، وبيتم فحصها عدة مرات يوميًا.
المصادر
