.
ليه وإزاي؟

ألا هو ده السوبرمون اللي بتقولوا عليه؟!

كتب: أحمد حسين

يوم الاتنين والتلات اللي فاتوا، كان في ظاهرة في السماء بيُطلق عليها اسم (السوبرمون)، وهي إن القمر يظهر أكبر من الطبيعي بـ14%، ويكون ساطع أكتر بنسبة 40%، والظاهرة دي بتتكرر كل 70 سنة، ولجل حظ السوبرمون بقى، جيه في زمن الفوتوشوب، فحصل اللي حصل بقى.

القمر ماكنش عارف إنه بسبب الناس هينقسموا، شوية يقولوا ”هو فين السوبرمون اللي بتقولوا عليه ده؟ ما القمر شكله عادي“، والحقيقة هو مش معنى إنه سوبرمون يعني إنه هيبلع الأرض وإحنا معاها،  هو بس شكله هيبان أكبر شوية مش أكتر لكنه مش هيبقى قريب من سطح الأرض للدرجة اللي تخليه يخبط في العمارات الحمدلله 😀

وفي شوية يقولوا ده القمر ساطع جدًا وقريب جدًا، وبدأوا يجيبوا صور فوتوشوب على رأي عمرو مصطفى ومبالغ فيها جدًا للقمر بأحجام مستحيل يكون ظاهر بيها. يعني، لو القمر قريب فعلًا من الأرض بالشكل ده، كان زمانه نازل ياخدنا بالحضن، وساعتها العالم ينتهي بقى والأجرام السماوية تقع وكده. وطبعًا، في الجزء بتاع الساركازم والسخرية، وده كان أحلاهم الصراحة.

موقع ناشيونال جيوجرافيك علشان يقطع الشك باليقين عمل إيه بقى؟ جمّع 11 صورة حقيقية مبهرة للسوبرمون، استمتعوا بيهم:

– القمر من وراء صاروخ سويوز في منصة الاطلاق في بايكونور الدولي – تصوير: بيل إينجلس، ناسا

السوبرمون

– القمر من وراء تمثال النسر فوق برج يفيك بولاية أوهايو – تصوير: آدم كارنس

السوبرمون

– القمر التُقط في توقيت مثالي بشكل متوازن مع قوس سانت لويس – تصوير: ديفيد كارسون

السوبرمون

– طيارة بتُحلّق من أمام القمر في طريقها لمطار هيثرو في لندن – تصوير: أدريان دينيس

السوبرمون

– القمر خلف أحد مباني بيكين – تصوير: نج هان جوان

السوبرمون

– القمر من خلف عجلة فيريس في هونج كونج – تصوير: أنتوني والاس

السوبرمون

– القمر مع برج ريونيون بمدينة دالاس – تصوير: توم فوكس

السوبرمون

– راجل بيستمتع بالقمر من بلكونته في مدريد – تصوير: جيرارد جولين

السوبرمون

– القمر من وراء قلعة ألمودوفار في قرطبة – تصوير: ميجيل موريناتي

السوبرمون

– القمر فوق المدينة المحرّمة في بيكين – تصوير: نيكولاس عصفوري

السوبرمون

– القمر فوق وادي الآلهة بالقرب من ولاية يوتا – تصوير: جيم لو سكالزو

السوبرمون

المصدر: nationalgeographic

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى