باتمان VS سوبرمان: صراع الخارقين في مواجهة Marvel وأبطالها!
كتب لـ”نيـون“ : م.السيد صبري
عيب عليكم يا رجالة ده أنتم شاربين قاتلين محاربين الجريمة سوا! زى ما إحنا عارفين الكبار وقعوا فى بعض ودي حاجة متخلصناش لكن DC comics كانت شايفة إن ده هو الحل عشان تقدر تقف قدام Marvel وأبطالها الخارقين.
الموقع الرسمى للفيلم Batman Vs. Superman
http://batmanvsuperman.dccomics.com/
الاتنين دول من أكبر شركات الكوميس فى أمريكا ودايما بينهم تنافس كبير فى عالم الكوميكس انتقل إلى عالم السينما البراق ذو العائدات الكبيرة، فمارفل عملت تقريبًا لكل أبطالها أفلام منفصلة بداية من Iron man اللى كان فاتحة خير عليها وspider man انتهاءًا بـ ant man ، مش بس كده لا دي جمعتهم كمان فى فيلم واحد Adventures أكتر من مرة.
فكرة إنك تكون عندك قوة خارقة حاجة ظريفة قوى، وخصوصًا لما تستخدمها فى محاربة الشر ونصرة الخير، المشكلة لما يحصل العكس وتحارب الخير، وده اللي اتعمل فى معظم الشخصيات الخارقة مش كلهم ولاد حلال وطيبين في منهم أشرار جدا، ومن هنا بييجى الصراع والحرب زى إخواتنا فى XMEN الحلوين تحت قيادة دكتور زفير والأشرار تحت قيادة ماجنيتو شوف بقى كام فيلم اتعمل على الصراع ده.
دايما بيكون فى تنوع بين القوى فى الأبطال الخارقين فهتلاقى إن فى مجموعة خارقين من خارج الكوكب زى ثور وسوبر مان، ومجموعة خارقين نتائج تجارب معملية زى كابتن أمريكا والرجل الأخضر، وخارقين نتيجة طفرات جينية زى XMEN وسبيد مان، وخارقين نتيجة تقدم تكنولوجي زي IRON MAN وAnt Man
في اللينك ده هتلاقي كل الأبطال الخارقين لشركة Marvel
https://marvelheroes.com/heroes/list
أما اللينك ده هتلاقي فيه كل الأبطال الخارقين لشركة DC comics
http://www.dccomics.com/characters
توليفة حلوة بجد تخليك من الصعب تفكر لو عملت شخصية خارقة دلوقتي هتكون من أي نوع من اللي فات، وهيكون تميزها وقوتها فى إيه؟ والاسم بقى لازم يكون اسم لامع عشان شغل السينما اللى هيتعمل عليه. أكيد هتكون حاجة مختلفة طبعا عن الراجل العناب، أنا بفكر فى شخصية الراجل الدحلاب، قولوا لنا أنتم بتفكروا فى شخصية إيه؟
