9 اختلافات بين تكنولوجيا زمان ودلوقتي (ألبوم)
كتب: أحمد حسين
من حوالي عشرين سنة، لو كنت قولت لحد إنك هتقدر تحجز تذاكر الطيران وتتفرج على أفلام وتعمل شغلك من موبايل، كان غالبًا هيقول عليك مجنون. أو مثلًا لو كنت قولت لحد إن عندك هارد 1000 جيجا (1 تيرابايت) في بداية الألفينات، كان أكيد هيتريق عليك، ده إحنا لما ظهر الهارد الـ80 جيجا كنّا منبهرين وشايفين إنه كل دي مساحة مش هنقدر نملاها، طبعًا كان ساعتها الفيلم حجمه مابيعديش 300 ميجا واللعبة ممكن توصل لجيجا مثلًا بالكتير 😀
وعلشان الفرق الرهيب أصبح رهيب بين التكنولوجيا زمان والتكنولوجيا دلوقتي، دول تسع صور بيظهروا حجم الفرق ده، واللي بعد سنتين من رصده بقى في فرق بين التنكولوجيا من سنتين والتكنولوجيا في لحظتنا الحالية.. بنسابق الزمن ونفسنا حرفيًا!
9 اختلافات بين تكنولوجيا زمان و دلوقتي :
1- كمبيوتر الـPDP-7 ده اتعمل سنة 1965، في الوقت ده كان يُعتبر طفرة في عالم التكنولوجيا، كان تمنه 72 ألف دولار، وذاكرته تشيل ملفات لحد 9 كيلوبايت، وممكن تتطوّر لـ144 بايت!
مش في كده وبس لأ، ده كمان علماء الميكانيكا في الخمسينات والستينات كانوا فاكرين إنه طالما الكمبيوترات في الوقت ده بتتكون من 18 ألف صِمام مفرّغ (Vaccum tube) ووزنها 30 طن، إن الكمبيوترات اللي جايه في المستقبل هتبقى بتتكون من 1000 صِمام مفرّغ وهيكون وزنها 1.5 طن بس.
2- بيل جايتس كان اتصور صورة مشهورة كدة وهو ماسك كومة ورق كبيرة جدًا بأيد، وشايل في الأيد التانية CD وبيقول إن الـCD ده بيقدر يشيل معلومات قد كل اللي موجود في الصورة. المبهر بقى إن الـCD ده كان حوالي 700 ميجا بالكتير مثلًا، فما بالكم بالسيديهات اللي بتوصل لمساحة 1 تيرابايت، يعني تشيل جزء كبير من تاريخ بيل جايتس نفسه.
3- الصورة دي هتبين لك الدقيقة الواحدة ممكن يحصل فيها إيه على مواقع وتطبيقات الانترنت في 2016!
4- في الصورة دي نيل ديجراس تايسون عالم الكونيات بيشرح الفضاء كان عامل إزاي قبل 30 سنة. بلوتو كان ساعتها كوكب، وكان العدد المعروف ساعتها للكويكبات اللي بتدور حوالي الأرض 10، حاليًا بقى معروف أكتر من 10 آلاف وبلوتو خرجوه ورجع تاني 😀
5- سمعت قبل كده عن رحلة أبولو 11؟ دي رحلة طلعت القمر سنة 1969، عارف الكمبيوتر اللي كان معاهم في الرحلة دي دلوقتي يُعتبر كإمكانيات أضعف بكتير من الموبايل اللي معاك دلوقتي.
6- بسبب المسبارات الفضائية الحديثة، بقينا قادرين نشوف صور للكواكب بوضوح شديد، ده الفرق بين صور كوكب بلوتو من 1996 لحد 2015! أنا نفسي اتفاجأت الصراحة.
7- الفرق بين التكنولوجيا سنة 93 و سنة 2013.. عشرين سنة في صورة!
8- ده هارد IBM خمسة ميجابايت سنة 1956 بيتشحن على عربية!
9- سنة 2005، كانت الميموري الـ128 ميجا دي ممكن يتحط عليها كل اللي تتمناه على الموبايل، سنة 2014 بقى، الوضع اتغير خالص، دلوقتي الميموري بقى بيوصل لـ128 جيجا وغالبًا بيكفّي بالعافية.
